ਤੈਨੂ ਵੇਖ ਕੇ, ਮਨ ਦੇ ਅੰਦਰ, ਸਾਂਭਣ ਨੂ , ਦਿਲ ਕਰਦਾ ਹੈ |
ਕਿਤੇ ਗੁਆਚ ਨਾ ਜਾਵੇਂ, ਅਖੀਆਂ ਮੀਚਣ ਨੂ , ਦਿਲ ਕਰਦਾ ਹੈ |
ਤੇਰੇ ਨੈਣਾਂ ਦੀ ਡੂੰਘਾਈ, ਨਾਪਣ ਨੂ, ਦਿਲ ਕਰਦਾ ਹੈ,
ਇਕ ਝੀਲ ਦੇ ਅੰਦਰ ਮੇਰਾ, ਡੁੱਬਣ ਨੂ , ਦਿਲ ਕਰਦਾ ਹੈ |
ਹੋਰ ਕੋਈ ਨਾ ਵੇਖੇ ਉਸਨੂ, ਏਦਾਂ ਕਿਤੇ ਲੁਕਾਵਾਂ ਮੈਂ,
ਇੰਟਰ-ਨੈਟ ਤੋਂ ਸੁਹਣੇ ਯਾਰ, ਡਲੀਟਣ ਨੂ ਦਿਲ ਕਰਦਾ ਹੈ |
ਜਿਸਮ ਤੇਰੇ ਦਾ ਇਕ ਇਕ ਅਖਰ, ਘੋਖਣ ਨੂ , ਦਿਲ ਕਰਦਾ ਹੈ,
ਗਜਲ ਦੇ ਵਾਂਗੂੰ ਤੇਰਾ ਰੂਪ, ਸ਼ਿੰਗਾਰਨ ਨੂ ਦਿਲ ਕਰਦਾ ਹੈ |
ਥੋੜਾ ਥੋੜਾ ਕਰਕੇ, ਜੋ ਸਾਰੇ ਦਾ ਸਾਰਾ, ਚਲਾ ਗਿਆ,
ਉਸਨੂ , ਮਨ ਦੀਆਂ ਨੁੱਕਰਾਂ ਵਿਚੋਂ, ਭਾਲਣ ਨੂ ਦਿਲ ਕਰਦਾ ਹੈ |
ਤੰਗ ਆਇਆ ਹਾਂ, ਬਾਜ਼ਾਰਾਂ ਦੀ, ਭੀੜ ਤੋਂ, ਸ਼ੋਰ ਸ਼ਰਾਬੇ ਤੋਂ,
ਤੇਰੇ ਨਾਲ ਅੱਜ ਮਨ ਦੇ ਅੰਦਰ, ਉਤਰਨ ਨੂ , ਦਿਲ ਕਰਦਾ ਹੈ |
ਉਹ ਨੇਤਾ ਜੋ ਲਾਰੇ, ਮਿਠੇ ਬੋਲਾਂ ਨਾਲ, ਪਰੋਸ ਗਿਆ,
ਫੇਰ ਸੁਣਾਂ ਅੱਜ, ਉਸ ਨੇਤਾ ਦੇ, ਭਾਸ਼ਣ ਨੂ , ਦਿਲ ਕਰਦਾ ਹੈ
No comments:
Post a Comment